Noord-Kaap sluit onoorwonne

Noord-Kaap van Kimberley het die Pukke Skouspel onoorwonne afgesluit danksy 'n sege van 43-13 oor Transvalia van Vanderbijlpark by die Fanie du Toit Stadium in Potchefstroom.

Die span van die Diamantstad se vleuel, Cameron Hufke, en agtsteman Gerhard Holtzhausen, het elk twee keer agter Transvalia se doellyn gaan kuier.

Kearsney College se flank, Tristan Dixon, is waarskynlik die beste voorspeler wat op vanjaar se toernooi in aksie is. Hy is welverdiend as speler van die wedstryd in sy span se sege van 41-10 oor Hoërskool Klerksdorp aangewys.

Dixon het verlede jaar vir KwaZulu-Natal op slot tydens die Cravenweek in Middelburg (Mpumalanga) uitgedraf. Die kantman het gewis sy tweestryd met verlede jaar se SA Skole-flank, Edmund Rheeder, gewen.

Die span se binnesenter, James Tedder, het agterlangs rigting verskaf. Hy moes egter weens 'n seer heup vroeg in die eerste helfte die veld verlaat. Klerksdorp se senter, Michael Steinberg, het 'n stewige vertoning gelewer.

Potchefstroom Gimnasium se twee slotte, Gideon Botha en Marco van den Berg, het baljaar in hulle span se oortuigende sege van 60-13 teen Hoërskool Florida. Botha is as speler van die wedstryd aangewys, met Van den Berg wat twee keer Florries se doellyn oorgesteek het.

Gimmies se losskakel, Casper Dreyer, het 20 van sy span se punte via 'n drie, ses doelskoppe en 'n strafdoel aangeteken. Die span van Potchefstroom se kaptein en agtsteman, Gerhard Steenekamp, het soos gewoontlik met sy kraglopies sy span se teenstanders probleme besorg.

Punte en puntemakers:

Noord-Kaap 43-13 Transvalia

Vir Noord-Kaap:

Drieë: Cameron Hufke 2, Gerhard Holtzhausen 2, Howard Lottering, Gladwin Nieuwenhuysen, Zayne Farmer

Doelskoppe: Hufke 4

Vir Transvalia:

Drie: Pleij van der Broek

Doelskop: Wernich Human

Strafdoele: Human 2

Kearsney College 41-10 Hoërskool Klerksdorp

Vir Kearsney College:

Drieë: Sebastian Pau, James Tedder, Cian Waugh, Joshua van Vuuren, Matthew Watts

Doelskoppe: Tedder 2, Cameron Ritchie 2, Cullen Waberski

Strafdoel: Tedder, Waberski

Vir Hoërskool Klerksdorp:

Drieë: PJ Ellis, Edmund Rheeder.

Potchefstroom Gimnasium 60-13 Florida

Vir Potchefstroom Gimnasium:

Drieë: Marco van den Berg 2, Damon Jaswyn 2, Otto van der Westhuizen, Gideon Botha, Gerhard Steenekamp, Casper Dreyer, Heinrich Siepker

Doelskoppe: Dreyer 6

Strafdoel: Dreyer

Vir Florida:

Drieë: Waldo Bochnik, André van Zyl

Strafdoel: André Bezuidenhout

Hoërskool Rustenburg 43-34 Framesby

Vir Hoërskool Rustenburg:

Drieë: Danie Aucamp 2, Jandré Joubert 2, Christopher Coetzee, Gerhard Fourie, Johan van Niekerk

Doelskoppe: Johan Roos 5

Vir Framesby:

Drieë: André Lategan, Roelof Roodt, Jurgens Viljoen, Bernard McDonald, Dylan Olivier, Riaan van Rensburg

Doelskop: Wayne Moss 2

HTS Drostdy 16-12 Waterkloof

Vir HTS Drostdy:

Drie: SJ Wessels

Doelskop: Earl Dowrie

Strafdoele: Dowrie 3

Vir Waterkloof:

Drieë: Stedman Gans, Dylan Robinson

Doelskop: Quintin Bayards